Posts Tagged ‘عباسية’

عباسية

مفيش رصاص …..مفيش غازات …مفيش خرطوش

مفيش سفالة ولا عمالة…مفيش خيانة….ولا بشر مبيختشوش

مفيش قتيل ولا مين قتل

مفيش مؤامرة مفيش خلل….ومفيش قلق

مفيش سريقة ولا مين سرق

ولا مين غدر ولا مين حرق

مفيـــــــــــــــــــــــــــش…مفيــــــــــــــــــــــــــــــــــــــــــش

غمض ونام ملو العيون انت ف امان

ولا بلطجي شايل سلاحه ليك ولاولادك كمان

والدم اللي مالي الشوارع وع الرصيف اخراااج ضعيف ….فيلم وخلاص

ومادام معاك حق الرغيف اسكــــــــــــــت خلاص

ماهي عباسية

**************************************

بلطجية ومأجورين وكمان بياخدوا ترامادول

.بقي همة دول؟؟؟؟؟

بقي همة دول أهل الميدان …..

اللي حموا ضهرك وانت بتصلي زمان

بقي همة دول اللي ابتدوا …..

واللي افتدوك وفتحوا للعدل البيبان

مات اللي مات …واللي بصره راح خلاص

علشان يغور الظلم ….ويبنوا ..للأوطان أساس

سبتهم ليه للطاغوت …ياشعب يا مدمن سكوت

ليه سبت فرحتنا تموت ….في العباسية

*******************************

ياشعب نايم من زمان ….راضي الهوان

ليه لما شفت كرامة خفت وانقسمت

ازااااي كدة اتعودت ترضي وتسف التراب؟؟؟؟

وتشوف وضوح الشمس بعنيك …..

ومصدق اللي يقول سراب

الشمس هاجرت من زمان

وتقوووووول آمين ….

قوللي انت مييييييييييين

لما اتي الفتيان وشالوا من ع العروش فرعون

تقدر يا شعب تقول بقي راكع لمين؟؟؟؟

******************************

ياشعب متعود تمشي جنب الحيط وبرا السور

خايف لنور الشمس مرة يلحقك ويفوقك

ليه لما جالك من ولادك اللي يكسر قيدك …..سبته يتقتل

ليه لما هد السور وقالك فوق وشفته بيتسحل

سبته لوحده وهو كان قلبه عليك

غمضت عينك لما كان ملهوف عليك

وبيتقتـــــــــــــــــل

ورجعت تاني منجديد تبني حيط تتداري فيه

ورجعت تعبد فرعون جديد عامله بإيديك

في العباسية

**********************************

بوس الأيادي والدقون بقي صنعتك

يا شعب مقسوم ومتقسم حتت …..نصه بيتفرج علي الباقي

شفت العروش بتزول مع الوحدة …..صنم بيخاف

طب لسة ايـــــــــه باقي

حتة منك مأجورين وحتة تانية لصوصوعاوزين يحكموك

ويمصوا كل نقطة ف دمك الباقي …

ولسة بتخون ولادك اللي فتحوا أبواب الخلاص

لو كنت شديت علي ايديهم كنت عديتها خلاص

لو كنت ما سلمت أمرك للي خاان ….يا برلمان

لو كنت ماسبت الميدان

مكانش راح كل اللي راح ….في العباسية

*****************************************

كل اللي بتقوله يا شعب خانع ….ايه اللي وداهم هناك …

هو انت يا ندل وجبان …مش بس خاضع من زمان

هو انت يا عبد البشر مبتختشيش

م الذل والقهر وبوس الايد …مبتكتفيش

يا مراااارته أكل العيش ……وصاحبه ذليل متهان

ـــــــــــــــــــــــــــــــــــــــــــــــــــــ

ياشعب يا كوكتيل

منه عميل ومنه عويل

ومنه جبار وظالم ومنه عبد ذليل

ومنه كمان نواح بتاع كلام مواويل …..

ومنه مؤمن بتاع ربه
بقلم رحاب صبري
ومنه فيه دقنه لزوم تمثيل

ومنه زي الورد قلبه علي كفه …..حاضن بقلبه الكل ….وده اللي شفته قتيل

في العباسية

(رحاب صبري)